Hildur María Arnalds

Í eðlisfræði áttum við að velja okkur eina uppfinningu til að skrifa um. Ég valdi fyrst að skrifa um hárteygjur fyrst en ég fann nánast engar upplýsingar um það svo ég breytti yfir í naglalakk. Ég gerði verkefnið í Publisher og það gekk mjög vel að vinna það. Ég lærði margt, svo sem að naglalakk er yfir 5000 ára gamalt og að það er búið til úr lífrænum fjölliðum og fleiru. Mér finnst verkefnið mjög flott og vona að þér finnist það líka. 

Hér getur þú skoðað verkefnið mitt 

Í lestri í skólanum höfum við verið að lesa bók eftir evrópskan höfund. Ég valdi að lesa Lólu Rós eftir Jaqueline Wilson. Þegar við höfðum lokið við bókina áttum við að skrifa bókagagnrýni og teikna myndir sem pössuðu við bókina, því síðan áttum við að fara í upptökur. 

Við fórum í upptökurnar í Myndveri grunnskólanna og þar var maður sem sér um þetta og heitir Marteinn. Hann er mikill grínisti og var alltaf að djóka í okkur, og mér fannst hann persónulega mjög fyndinn. En við krakkarnir áttum að sjá um allt. Við tókum upp, sáum um hljóð, hvenær myndirnar birtast o.s.f. 

Mér fannst mér bara hafa gengið mjög vel og var bara ánægð með frammistöðu mína og bekksins í heild. Mér fannst þetta mjög, mjög skemmtilegt og bókagagnrýnin mín flott og vonandi líkar ykkur hún líka.

Hér getur þú/þið lesið bókagagnrýnina mína  

Í samfélagsfræði höfum við verið að læra um Suður-Evrópu. Við áttum að gera verkefni um 2 helstu löndin og útfæra það eins og við vildum. Ég valdi að fjalla um Spán og Króatíu. Ég ákvað að vinna verkefni um Spán í Moviemaker og skrifa um menningu, frægar byggingar og ræktun. Fyrst skrifaði ég texta í pörtum í Moviemaker og svo fann ég myndir sem pössuðu við textann. Því næst setti ég myndirnar í Moviemaker og raðaði þeim í rétta röð og setti svo textann á þær. Síðan fann ég tónlist við og vistaði sem tilbúið myndband og þá var það tilbúið. Hitt landið sem ég valdi var Króatía. Ég ákvað að gera það í Glogster og skrifa um menninguna, ræktun og frægt fólk fyrri tíma. Fyrst, eins og með Spán, gerði ég textann í word í pörtum, fann mynd til að hafa í bakgrunni og setti svo textann inn á plakatið, ýmist í talblöðru, textaramma eða bara beint á bakgrunninn. Síðan fann ég bara nokkrar myndir við og vistaði sem tilbúið plakat og þá, eins og áður, var það komið. Mér fannst þetta mjög skemmtilegt og ég lærði margt af því, s.s. að höfuðborg Króatíu er Zagreb, Ronda er sögð vera rómantískasta borg Spánar af einherjum ástæðum sem ég veit ekki, flamengó á sér um 500 ára sögu og að ostar frá eyjunni Pag í Króatívu eru mjög vinsælir til matar. Mér finnst verkefnin mín mjög flott og ég vandaði mig við að gera þau og vonandi finnst þér/ykkur þau jafn flott, skemmtileg og fræðandi og mér.

Hér getur þú skoðað og séð verkefnin mín 

Króatía 

Í stærðfræði átti ég og nokkrir aðrir að finna út hvað fernings- og teningstölur eru. Ég googlaði það og fann góðar upplýsingar inná wikipedia. Þegar ég var búin að lesa upplýsingarnar vel yfir skrifaði ég þær í mínum orðum og útskýringum í word. Því næst setti ég textann á glogster veggspjald og fann myndir og skýringarvideo við. Ég fann einnig mjög leiðinlegt lag um teningstölur. Mér fannst gaman að vinna þetta verkefni og vonandi finnst ykkur það flott og fræðandi.

Hér getur þú skoðað verkefnið mitt  

Í samfélagsfræði erum við að læra um Evrópu. Okkur var gefið blað með 24 staðreyndar spurningum um Evrópu. Við áttum að finna svörin við 15-24 að þessum spurningum. Ég fann svörin við þeim öllum. Ég byrjaði á því að leita að svörunum í bókinni Evrópa og kortabókum. Það vantaði bara örlitlar upplýsingar í viðbót eftir að ég hafði leitað í bókunum. Ég skrifaði númer allra spurninganna og svörin á uppkastablað og svo yfir í tölvu. ég fann myndir við hverja staðreynd inná google og gerði litla skíringar ramma fyrir orð sem ekki allir gætu vitað eins og skipgeng, strjálbýlt, fjallgarður o.fl. Mér fannst þetta skemmtilegt verkefni í byrjun en síðan var það frekar leiðinlegt því að ég þurfti að vera í 4 klukkutíma á föstudegi og 1 og 1/2  klukkutíma eftir skóla á mánudegi að klára það. Ég lærði margt af þessu verkefni s.s. að Holland er láglentasta land í Evrópu, Úkraína er annað stærsta land Evrópu, Malta er þéttbýlast og margt fleira. Mér finnst verkefnið mitt mjög flott og vonandi finnst þér það líka 

Hér getur þú lesið staðreyndirnar mínar