Sjónvarpsfrétt

Í samfélagsfræði var okkur skipt í hópa. Hver hópur átti að gera eina sjónvarpsfrétt, eina útvarpsfrétt og eina hraðfrétt. Ég var með Hrefnu og Davíð í hóp. Við byrjuðum á því að koma með hugmyndir. Fyrst skrifuðum við handritið að útvarpsfréttinni og tókum hana upp, síðan snerum við okkur að sjónvarpsfréttinni. Við ákváðum að hafa hana um ferðina heim, sem sagt þegar örfáir Íslendingar eru fluttir aftur heim til Íslands frá Alsírsborg. Við skrifuðum handritið og ákváðum í sameiningu að Davíð ætti að vera fréttamaðurinn. Þegar við höfðum lokið við að taka hana upp gerðum við Intro inni á flixpress.com en intro þýðir innkoma eða upphaf fréttar eða annarra myndbanda eða þátta. Því næst var komið að því að klippa allt saman og gera eitt myndband en það gerðum við inni á moviemaker. Síðan var bara eftir að vista myndbandið þannig að ekki væri hægt að breyta því og setja inn á youtube og þaðan hingað. Mér fannst þetta mjög skemmtilegt verkefni og ég lærði ýmislegt af því eins og að á leiðinni heim til Íslands stoppaði fólkið á hinum ýmsu stöðum og að á Lukkustöðum dó kona og einn maður ákvað að vera þar eftir. Mér fannst þetta flott frétt hjá okkur og vonandi finnst ykkur það líka.

Hér getið þið horft á fréttina okkar